Секцыя настаўнікаў беларускай мовы і літаратуры адукацыйных устаноў раёна пад кіраўніцтвам вядучага спецыяліста аддзела адукацыі райвыканкама Наталлі Малашэнка адбылася ў сярэдняй школе № 3 г. Быхава.

Задача моўнай адукацыі ў сучаснай школе — абудзіць у вучнях павагу да беларускага слова, працэсу пазнання, імкнуцца, каб яны спасцігалі нацыянальную культуру.

Вывучанне роднай мовы не можа абмяжоўвацца толькі назапашваннем лінгвістычных ведаў, яе адзінкамі і нормамі. Мова неабходна быць тым інструментам, які вядзе чалавека да поспеху ў розных галінах яго дзейнасці. Зразумела, што чалавек, які граматна, лагічна, дакладна, тактычна выказвае свае думкі, запатрабаваны сучасным грамадствам. Менавіта з гэтага і пачалася жнівеньская сустрэча выкладчыкаў беларускай мовы і літаратуры.

Кіраўнік метадычнага аб’яднання беларускай мовы і літаратуры Надзея Матусевіч азнаёміла калег-настаўнікаў з прававымі актамі, якія рэгулююць дзейнасць устаноў адукацыі, а таксама праграмамі вучэбных прадметаў “Беларуская мова” и  “Беларуская літаратура”. Асаблівая ўвага была звернута на нормы ацэнкі вынікаў вучэбнай дзейнасці вучняў па гэтых вучэбных прадметах. Азнаёміла Надзея Рыгораўна і з каляндарна-тэматычным планаваннем заняткаў. Звярнула ўвагу на неабходнасць пераапрацоўкі планавання, калі яно не зусім адпавядае ўмовам выкладання ў пэўнай адукацыйнай установе.

Гаварылі таксама аб патрабаваннях да арганізацыі адукацыйнага працэсу, максімальнага аб’ёму вучэбнай нагрузкі вучняў, узроўню падрыхтоўкі выпускнікоў,  колькасці кантрольных работ. Напрыклад, кантрольныя работы праводзяцца ў адпаведнасці з графікам, зацверджаным кіраўніком установы агульнай сярэдняй адукацыі, але не больш чым па адным вучэбным прадмеце ў дзень, у адным класе. Правядзенне кантрольных работ у панядзелак і на апошніх уроках не дапускаецца. Дамашнія заданні павінны задавацца вучням з улікам магчымасці іх выканання: у V – VІ класах – да 2 гадзін, VІІ – VІІІ класах – да 2,5 гадзін, ІХ – ХІ класах – да 3 гадзін.

Сшыткі для кантрольных работ захоўваюцца ва ўстановах агульнай сярэдняй адукацыі на працягу ўсяго навучальнага года і выдаюцца вучням для выканання адпаведных работ.

Пры афармленні запісу на вокладцы сшытка ўказваецца, для чаго прызначаецца сшытак, клас, скарочаная назва ўстановы агульнай сярэдняй адукацыі (у адпаведнасці са Статутам), прозвішча, імя  вучня ў родным склоне. Дапускаецца рабіць запіс аб прызначэнні сшытка і назве ўстановы адукацыі ў два радкі і г.д.

Гэтыя і іншыя нарматыўныя прававыя акты, вучэбныя праграмы, прыкладнае каляндарна-тэматычнае планаванне размешчаны на сайтах Міністэрства адукацыі Рэспублікі Беларусь (www.mіnedu.unіbel.by), навукова-метадычнай установы «Нацыянальны інстытут адукацыі» (www.adu.by).

На  прыканцы секцыі Наталля Малашэнка, звярнула увагу настаўнікаў  на змены, якія адбыліся ў беларускай арфаграфіі и пунктуацыі.

Сяргей ЛЕЎЧАНКА.

фото: news.21.by