Навіны Быхаўшчыны

новостиАЦАНІЛІ ЯКАСЦЬ

У Маскве прайшоў кірмаш-продаж беларускіх тавараў лёгкай прамысловасці і прадуктаў харчавання, у якім разам з іншымі прадпрыемствамі ўдзельнічала ААТ «Быхаўскі кансервава-агароднінасушыльны завод». Шматлікія дэгустацыі і прэзентацыі прадуктаў харчавання дазволілі прадэманстраваць іх якасць наведвальнікам кірмашу, у ліку якіх былі Старшыня Савета Рэспублікі Нацыянальнага сходу Рэспублікі Беларусь Міхаіл Мясніковіч і Старшыня Савета Федэрацыі Федэральнага Сходу Расійскай Федэрацыі Валянціна Мацвіенка.

ЭКСКУРСІІ

25 членаў раённай арганізацыі Беларускага прафсаюза работнікаў адукацыі і навукі пабывалі ў г. Шклове, а таксама на свяце «Александрыя збірае сяброў». Падчас экскурсійнага тура быхаўчане наведалі Шклоўскі раённы гісторыка-краязнаўчы музей і канцэрт украінскай спявачкі Ірыны Білык.

СПАРТЫЎНЫЯ ПЕРАМОГІ

X Балтыйскія юнацкія гульні скончыліся ў Брэсце і далі нагоду ганарыцца быхаўскімі спартсменамі. Падлеткі з 8 краін свету – Рэспублікі Беларусь, Расіі, Швецыі, Германіі, Польшчы, Літвы, Латвіі і Эстоніі – змагаліся за званне лепшых па 16 напрамках. Выпускніцы нашай дзіцяча-юнацкай спартыўнай школы Аляксандра Кіслякова і Наталля Варакіна сталі пераможцамі ў сваіх вагавых катэгорыях па вольнай барацьбе.

Copy Protected by Chetan's WP-Copyprotect.