На рынку працы Беларусі адчуваецца дысбаланс попыту і прапановы. У краіне назіраецца востры

дэфіцыт медыкаў і інжынераў, і ў той жа час цяжка знайсці працу юрыстам, эканамістам, бухгалтарам. Такая сітуацыя цягнецца ўжо не адзін год. Пра гэта «Звяздзе» расказаў начальнік упраўлення палітыкі занятасці Міністэрства працы і сацыяльнай абароны Мікалай Коханаў.

У Міністэрстве працы і сацыяльнай абароны аналіз балансу вакансій найбольш масавых прафесій праводзіцца двойчы ў год: па стане на 1 чэрвеня і 1 снежня. Паводле апошняга аналізу, дысбаланс вакансій і зарэгістраваных беспрацоўных спецыялістаў існуе не толькі ў дачыненні да служачых і спецыялістаў, але і ў працоўных спецыяльнасцях. Так, у горадзе не хапае кіроўцаў, маляроў, муляроў, цесляроў, цесляроў-бетоншчыкаў, электраманцёраў, электрагазазваршчыкаў, швачак і інш. У вясковай мясцовасці патрабуюцца трактарысты, кіроўцы, жывёлаводы, аператары машыннага даення.

Ніжэй мы прапануем вам азнаёміцца з асноўнымі пазіцыямі па некаторых спецыяльнасцях.

Святлана Бусько, Звязда