На гэты раз — жыхарка в. Давыдавічы. У сераду раніцай жанчына пайшла ў грыбы, а бліжэй да вечара, калі яна не вярнулася, сваякі забілі трывогу.

На месца здарэння была накіравана следча-аператыўная група, пошукавыя групы РАУС, РАНС. Сваю дапамогу прапанавалі прадстаўнікі лясгаса і мясцовыя жыхары — усяго 47 чалавек, 8 адзінак аўтатэхнікі. На шчасце, адзін з супрацоўнікаў міліцыі сам не раз збіраў грыбы ў тым лесе і добра яго ведаў, таму вырашыў праверыць і месца, абсталяванае назіральнымі вышкамі для палявання на капытных жывёл, размешчанае ў баку ад зоны пошуку. Там раніцай наступнага дня і была выяўлена заблукаўшая жанчына разам з сабранымі грыбамі.