Дарожна-транспартнае здарэнне адбылося ў панядзелак у раёне рынку. Вадзіцель -мінчанін на легкавым аўтамабілі “Кіа Рыа” не прапусціў на скрыжаванні мікрааўтобус “Фольксваген”, выехаў на галоўную дарогу, дзе і адбылося сутыкненне. Мікрааўтобус адкінула ад удару ў плот прыватнага домаўладання, яго вадзіцель траўміраваны. Віноўнік сваю віну прызнаў цалкам і патлумачыў супрацоўнікам ДАІ, што падчас руху адхіліўся да навігатара.