На Дзяды Магілёўская суполка «Таварыства беларускай мовы» ўшанавала памяць Цішкі Гартнага

3 ноября 2011 9:35

На Дзяды Магілёўская суполка «Таварыства беларускай мовы» ўшанавала памяць Цішкі Гартнага, які паходзіць з Магілёўшчыны і там жа знайшоў свой апошні прытулак. Памятны знак усталяваны на прыкладным месцы пахавання яшчэ ў 1989 годзе, пасля таго, як супрацоўнікі Магілёўскай псіхічнай лячэбніцы паказалі на брацкую магілу, дзе спачывае і беларускі паэт. Пяць год таму актыўна прапрацоўвалася магчымасць замены старой адзнакі на бюст ці помнік, аднак і па сёння людзі нясуць кветкі і знічы да сімвалічных кратаў-крыжа.