У мэтах зберажэння і ўмацавання гістарычнай памяці беларускага народа і ўсведамлення бясспрэчных дасягненняў незалежнай Беларусі, патрыятычнага выхавання маладога пакалення установа культуры “Магілёўскі абласны метадычны цэнтр народнай творчасці і культурна-асветнай работы” праводзіць рэгіянальны (абласны) грамадзянска-патрыятычны праект “Марафон гістарычнай памяці”.

Марафон праводзіцца на працягу 2022 года і ўяўляе сабой серыю мерапрыемстваў, накіраваных на фарміраванне аб’ектыўнага стаўлення грамадства да гістарычнага мінулага, захавання і ўмацавання адзінства беларускага народа.

23 чэрвеня работнікі ўстаноў культуры Быхаўскага раёна ў вёсках Чырвоная Беларусь, Сялец, Тайманава, Чырвоны Бераг, Глухі, Смаліца, Гарадзец правялі ўрачыстыя мерапрыемствы “Дарогамі Перамогі” з ускладненнем кветак і вянкоў да помнікаў, могілак і месцаў масавых пахаванняў воінаў і ахвяр Вялікай Айчыннай вайны, прысвечаныя вызваленню Быхаўскага раёна ад нямецка-фашысцкіх захопнікаў.

24 чэрвеня прайшлі тэматычныя канцэрты “У памяці патомкаў вёрсты, апаленыя вайной” у Макранскім, Палянінавіцкім, Гадылёўскім сельскіх Дамах культуры, Баркалабаўскім культурна-спартыўным цэнтры, Грудзінаўскім центры культуры і дасуга.

28 чэрвеня на Лудчыцкай вышыні Герояў успомнілі тых, хто цаной свайго жыцця абараняў незалежнасць нашай Радзімы. У Год гістарычнай памяці асабліва важна памятаць, якой цаной дасталася беларускаму народу перамога ў Вялікай Айчыннай вайне. Кожны з нас захоўвае ў душы глыбокую ўдзячнасць тым, хто аддаў сваё жыццё ў імя спакою на нашай роднай зямлі.

bykhovskyt