У РЦК для дзяцей праведзена гульнёва-забаўляльная праграма “Адраджаецца Батлейка”

У РЦК для дзяцей праведзена гульнёва-забаўляльная праграма “Адраджаецца Батлейка”. Дзеці пазнаёміліся з Батлейкай – народным лялечным тэатрам.

Падчас правядзення праграмы дзецям паказалі казкі “Пра гаспадара Хвядоса, яго жонку і жончыну дачку Хвеську”, а таксама казку “Рэпка” на сучасны лад. Потым хлопчыкі і дзяўчынкі прынялі ўдзел у беларускіх гульнях “Міхасёў лапцік”, “Слуцкія паясы”, “Музычны капялюш” і іншых. Усе ігралі на музычных інструментах, такім чынам утварыўшы сапраўдны музычны аркестр.