Быхаўчане не стамляюцца здзіўляць творчым патэнцыялам
Вучаніца Макранскай дзіцячай школы мастацтваў Яна Куляшова ўзнагароджана дыпломам першай ступені ў намінацыі «Сольнае выкананне» (цымбалы) у IX рэгіянальным фестывалі-конкурсе «Рускі партрэт у беларускім інтэр’еры». Мерапрыемства адбылося ў горадзе Жлобіне. На фестывалі нашы суседзі сабралі мноства юных талентаў, творча адораных дзяцей, якія паказвалі сябе ў розных намінацыях.
Два дні доўжыўся ў Магілёве рэгіянальны конкурс вакальнага майстэрства “Дняпроўская хваля”. Моцная вакальная партыя, яркі касцюм і арыгінальны вобраз — з такім “багажом” паўстала перад членамі журы быхаўчанка Лізавета Кубарава. Па выніках мерапрыемства ў намінацыі “Эстрадны вакал (сола)” юная зямлячка ўзнагароджана Дыпломам II ступені. Падрыхтавала выканаўцу настаўнік музыкі і спеваў сярэдняй школы №2 Алена Баранкевіч.