Напрыканцы мінулага працоўнага тыдня прайшло чарговое пасяджэнне абласнога штаба па падрыхтоўцы да Дня беларускага пісьменства ў Быхаве 1 верасня сёлятнега года, якое вёў першы намеснік старшыні Магілёўскага аблвыканкама Анатоль Чорны.

Перад пачаткам работы кіраўнікі абласных і раённых службаў, маючых прамое дачынне да рамантуемых у горадзе аб’ектаў, пабывалі на іх, паглядзелі, што ўжо зроблена і што яшчэ належыць зрабіць, таму ўсе валодалі рэальнай абстаноўкаю праводзімага капітальнага будаўніцтва на сённяшні дзень.

Дакладваў штабу аб зробленым намеснік старшыні райвыканкама Аляксандр Папкоў, адзначаючы пры гэтым па прапанове Анатоля Барысавіча наяўныя недахопы, праблемы. Таму калі размова зайшла пра рамантуемы будынак па вуліцы Леніна, 15, у якім знаходзяцца раённая аптэка №36 і раённы цэнтр сацыяльнага абслугоўвання насельніцтва (два ўласнікі), то Аляксандр Аляксандравіч адразу адзначыў, што па гэтай прычыне пытанне па рамонце названага аб’екта да канца не вырашана, а час не чакае.
Начальнік штаба Анатоль Чорны прапанаваў заказчыку ў асобе начальніка ўпраўлення капітальнага будаўніцтва Ігара Клішо клікаць да сябе кіраўнікоў вышэйназваных арганізацый, іх абласных начальнікаў і вырашаць праблему. Якім чынам? Гэта ўжо ваша справа, але аб’ект павінен быць гатовы да свята ў тэрмін, абумоўлены графікам. У вас ёсць тры дні на вырашэнне праблемы.

Старшыня райвыканкама Дзмітрый Калееў пры гэтым заўважыў, што на рамонт названага аб’екта ў бюджэце закладзены грашовыя сродкі, але там нічога не робіцца. Хіба ж гэта не парадокс?
Тлумачэнні па падрыхтоўцы да свята аб’ектаў сістэмы адукацыі давалі начальнік аддзела адукацыі райвыканкама Лілія Тарасевіч і намеснік начальніка ўпраўлення адукацыі аблвыканкама Юлія Кузьмянкова.

Намеснік начальніка ўпраўлення ЖКГ Магаблвыканкама Андрэй Кіблоў даклаў аб тым, як ідзе рамонт запланаваных жылых дамоў і што яго стрымлівае па аб’ектыўных прычынах, якія вуліцы і калі плануецца асфальтаваць. Тут асаблівых праблем няма. Няўвязна толькі з гасцінацаю, якая не рамантуецца толькі таму, што пакуль не вызначана крыніца фінансавання.

Выслухаўшы Андрэя Станіслававіча, Анатоль Барысавіч параіў яму наступнае: перш чым класці асфальт — трэба ўзгадніць з арганізацыямі, чые камунікацыі пад ім праходзяць, графік прадстаячых работ, каб пасля не ламаць гэты самы асфальт. Няхай спачатку ўсё неабходнае зробяць яны, а пасля іх прыступайце вы. Што датычыцца гасцініцы, то яе таксама будзем рамантаваць.

Пасля таго, як Аляксандр Папкоў прайшоўся па ўсіх аб’ектах, а старшыня райвыканкама Дзмітрый Калееў выказаў свае заўвагі і меркаванні, старшыня камітэта па архітэктуры і будаўніцтву аблвыканкама Аляксадр Студнеў прапанаваў правесці наступнае такое мерапрыемстве ў сярэдзіне мая, весці прадметную гамонку на аб’ектах, непасрэдна на месцы, з чым пагадзіўся першы намеснік старшыні аблвыканкама і начальнік штаба АнатольЧорны.

Мікола КОЛАСАЎ.