НЯЎДАЛЫ ПАЧАТАК

У нядзелю ў вёсцы Касічы адбыўся пажар. Загарэлася хата, якая належыць жыхарам Магілёва. Гаспадары распачалі дачны сезон, прыбіраліся на прысядзібным вучастку. Скончыўшы працу, вярнуліся дадому, і ўжо там даведаліся аб здарэнні. Пацярпелых няма, пашкоджаны дах, маёмасць. Папярэдняя прычына пажару – неасцярожнае абыходжанне з агнём.

НАВЕСЦІ ПАРАДАК

На працягу тыдня на кожным з 150 грамадзянскіх могілкаў Быхаўскага раёна правядуць маніторынгі спецыяльна створаныя групы. Іх галоўная мэта – вызначыць стан месцаў пахавання для далейшага навядзення парадку. За могілкамі будуць таксама замацаваныя прадпрыемствы і арганізацыі раёна, якія акажуць садзеянне ў іх добраўладкаванні да Радаўніцы.

КАНФІСКАВАНЫ СТРЭЛЬБЫ

У ходзе асноўнага этапу спецыяльнага комплекснага мерапрыемства “Арсенал” супрацоўнікамі крымінальнага вышуку Быхаўскага РАУС у мясцовага жыхара канфіскаваны незарэгістраваныя гладка-ствольныя паляўнічыя стрэльбы 16 калібра “ИЖ-К” і “ТОЗ-БМ”, а таксама 23 адзінкі боепрыпасаў і 150 гр. пораху.

НЕ ПАРУШАЙ!

З 13 па 23 красавіка на аўтамагістралі М-8 у раёне аграгарадка Следзюкі з 8.00 да 20.00 зноў будзе працаваць мабільны датчык кантролю хуткасці. Нагадваем, хуткаснае абмежаванне на дадзеным участку дарогі для легкавых і грузавых транспарт-ных сродкаў складае 60 км / г.

БЯСПЕКА ПРАЗ МАЛЮНАК

У навучэнцаў Быхаўскай дзіцячай школы мастацкіх рамёстваў — новыя дасягненні. У рамках абласнога конкурсу “Выратавальнікі вачамі дзяцей” у намінацыі “Прапаганда прамысловай бяспекі перавозкі небяспечных грузаў” Марыя Раманава ўзнагароджана Дыпломам II ступені за малюнак “Не жартуй з агнём”. Юная мастачка Аляксандра Кухціна таксама атрымала Дыплом у
намінацыі “Выратаванне на водах” за работу “Ад вады да бяды адзін крок”.