21 лютага – Дзень роднай мовы. Нам, беларусам, у спадчыну засталася ўнікальная мова – жывая і мілагучная, песенная і паэтычная, ласкавая і пяшчотная. Колькі прыгожых слоў сказана аб роднай мове паэтамі і пісьменнікамі.

Цудоўна гучаць словы беларускай паэтэсы Дануты Бічэль:

Я чула пяшчотнае, шчырасці поўнае,
маё, беларускае, роднае, кроўнае…
Такое сваё і такое чароўнае.

“Любоў да Радзімы пачынаецца з любові да роднай мовы”, – такімі словамі пачалося ўрачыстае мерапрыемства, прысвечанае Дню роднай мовы ў 5 “В” класе гімназіі г.Быхава. Вучні з задавальненнем праявілі сваю кемлівасць і эрудыцыю ў гульні “Фэст”, якая складалася з чатырох этапаў – фальклор, этнаграфія, спадчына, традыцыі, ажыццявілі віртуальнае падарожжа па маршруце “Поўна хата экспанатаў”, паказалі сябе сапраўднымі знаўцамі беларускай мовы ў час віктарыны “Не маўчы”.

Напрыканцы мерапрыемства кожны атрымаў памятны сувенір-магніт са словамі “Я ЛЮБЛЮ БЕЛАРУСКУЮ МОВУ”.

Таццяна Белавусава, класны кіраўнік 5 “В” класа гімназіі г.Быхава.