Напярэдадні Вадохрышча, а таксама ў само свята Богаяўлення праваслаўныя хрысціяне мелі магчымасць наведаць купель на тэрыторыі Свята-Вазнясенскага жаночага манастыра ў аграгарадку Баркалабава.

Больш за 500 чалавек, прытрымліваючыся народнага звычая, умыліся, прычым асноўны паток прыхаджан прыйшоўся на пасляабедзенны час 19 студзеня.

Каля святога месца было арганізавана кругласутачнае дзяжурства брыгады хуткай медыцынскай дапамогі, ратавальнікаў раённага аддзела па надзвычайных сітуацыях. Аднак іх дапамога не спатрэбілася: акунанне ў халодную ваду прайшло без здарэнняў.

Алеся МУХАЧОВА.