Дэкаднік пажарнай бяспекі прайшоў у лютым у нашым раёне. Супрацоўнікі РАНС і раённага цэнтра сацыяльнага абслугоўвання насельніцтва праверылі домаўладанні адзінокіх і адзінока пражываючых інвалідаў I і II груп і грамадзян пажылога ўзросту. Усім яшчэ раз нагадалі аб правілах пажарнай бяспекі, распавялі, якімі сацыяльнымі паслугамі ім можна карыстацца. Не застаўся ў баку ад дэкадніка і аддзел адукацыі, спорту і турызму райвыканкама. У ходзе акцыі «Клопат» педагогі наведалі мнагадзетныя, няпоўныя сем’і і тыя, у якіх дзеці знаходзяцца ў сацыяльна небяспечным становішчы, і растлумачылі бацькам патрабаванні заканадаўства па абароне правоў дзяцей.