У ДУА яслі-сад № 6 “Бярозка” прайшло метадычнае аб’яднанне на тэму “Сінь-васількі”
Выхавацелі разам з музыкальнымі кіраўнікамі і дзецьмі са старшай групы падрыхтавалі тэатралізаванае прадстаўленне паводле старажытнага падання.
Комплексны занятак-забаву правяла выхавацель Наталля Азаранка. Праводзіўся ён з мэтай праз тэатралізаваную дзейнасць пазнаёміць дзяцей з сімваламі Беларусі, даць магчымасць у песнях, гульнях і танцах паказаць любоў да роднай мовы. А таксама садзейнічаць развіццю зносін дзяцей з дарослымі на роднай мове, пашырыць іх слоўнікавы запас. У гульнявой форме дзяцей пыталі пра прадметы побыту ў беларускай хаце, аб тым, як гучаць назвы агародніны на беларускай мове.
Дзеці ў нацыянальных касцюмах расказвалі вершы, спявалі песні на беларускай мове. Хлопчыкі і дзяўчынкі паказалі ўдзельнікам метадычнага аб’яднання і сваім бацькам казку “Сінь-васількі”.
Аб складанасцях вывучэння беларускай мовы распавяла загадчыца дзіцячага сада №6 Наталля Варганава. За круглым сталом удзельнікі метадычнага аб’яднання абмяняліся вопытам па гэтай тэме.
Кацярына СВІРЫДЗЕНКА.
