Сваю кампазіцыю з рулонаў саломы, іншых дапаможных матэрыялаў пры адпаведным афармленні ў стылі народных традыцый, устаноўленую на перакрыжаванні дарог каля вёскі Трасцівец, стваральнікі назвалі “Хата сябрамі багата” . Тым самым яны падкрэслілі шчырасць, гасціннасць і працавітасць калектыву філіяла “Макранскі” ААТ “Быхаўскі КАСЗ”.

Да стварэння гэтага ўпрыгожвання да свята “Дажынкі-2012” свае рукі прыклалі майстры названага сельгаспрадпрыемства, а таксама работнікі Баркалабаўскага культурна-спартыўнага цэнтра і Макранскага сельскага Дома культуры.