З пачатку сезона нарыхтоўкі лясных ягад дзяржаўная лясная ахова Мінлясгаса павялічыла колькасць рэйдавых мерапрыемстваў, накіраваных на кантроль захавання грамадзянамі правілаў нарыхтоўкі дзікарослых ягад і грыбоў.

Увогуле з пачатку сезона нарыхтоўкі другасных лясных рэсурсаў у выніку рэйдавых мерапрыемстваў дзяржаўнай лясной аховы да адміністрацыйнай адказнасці прыцягнута 265 чалавек — за парушэнне правілаў нарыхтоўкі, збору ці закупкі грыбоў, іншых дзікарослых раслін ці іх частак. За парушэнне правілаў проціпажарнай адказнасці ў лясах прыцягнута да адказнасці 215 чалавек, за распальванне вогнішчаў у забароненых месцах ляснога фонду — 113, за засмечванне лясоў — больш за 1,5 тысячы. Міністэрства лясной гаспадаркі заклікае грамадзян пры нарыхтоўцы лясных ягад і грыбоў прытрымлівацца вышэйназваных правілаў.