Закончылася ІІІ абласное свята паэзіі і аўтарскай песні “Пісьмянкоў луг”, якое ладзілася на радзіме вядомага беларускага паэта Алеся Пісьмянкова ў Касцюковіцкім раёне.

У ім  удзельнічаў  і выступіў прадстаўнік Быхаўшчыны — галоўны рэдактар газеты “Маяк Прыдняпроўя”, пісьменнік Мікола Леўчанка, які да таго ж перадаў Касцюковіцкай цэнтральнай раённай бібліятэцы імя Івана Чыгрынава з уласнай бібліятэкі зборнік выбраных твораў земляка, слыннага паэта Аляксея Русецкага “Два колеры жыцця”, падпісаны і падараваны аўтарам у сакавіку 1973 года, і раман Івана Чыгрынава “Апраўданне крыві”.  Гэты твор Іван Гаўрылавіч падпісаў Леўчанку  ў жніўні 1977 года на рэспубліканскім семінары творчай моладзі ў Гродна.

фото: mogilevnews.by