Паводле звестак Нацыянальнага статыстычнага камітэта Беларусі, у студзені-лістападзе бягучага года ў нашай краіне нарадзілася 99499 дзяцей. Лідзіруе ў гэтым сэнсе Мінск – 19413 дзяцей, у адстаючых Гродзенская, Віцебская і Магілёўская вобласці (11516, 11297 і 11014 немаўлят адпаведна). Агульная колькасць насельніцтва Беларусі на 1 лістапада 2013 года складала 9467,2 тысячы чалавек.

У цэлым па краіне колькасць памерлых сёлета перавысіла колькасць народжаных больш як на 6000 чалавек, або на 6,1%. У параўнанні з 2012 годам, калі гэта розніца складала больш за 9000 чалавек, тэндэнцыя станоўчая, але да істотнага паляпшэння дэмаграфічнай сітуацыі ў Беларусі яшчэ далёка.

Між тым, як сведчаць сацыялагічныя апытанні, 6 з 10 беларусаў хацелі б нарадзіць і выхоўваць дваіх і больш дзяцей. Але на практыцы карціна дыяметральна процілеглая: больш як 65% беларускіх сем’яў выхоўваюць 1 дзіця.

zviazda.by