Нездарма песню называюць гаючымі лекамі для душы. А калі гэта яшчэ і беларуская народная, то асалоду ад яе праслухоўвання атрымоўваем удвая большую. Перад сілай музыкі, удала падабраных слоў, якія пранікаюць у тваю душу, адступаюць любыя нягоды і на сэрцы становіцца лягчэй.

У Доме культуры мікрараёна Быхаў – 1 адбыўся справаздачны канцэрт ансамбля народнай музыкі і песні «Дняпроўскія зоры», які абараніў ганаровае званне «Народны».

У рэпертуары самадзейных артыстаў прэваліруе тэма славян-скага братэрства, Напрыклад, спевакі выконваюць такія народныя песні, як беларуская «У лузе каліна», руская «Через речку», украінская «У вішнэвом у саду…». У выкананні удзельнікаў калек-тыву яны гучаць смабытна і каларытна. Візітнай карткай яго з’яўляецца інструментальная п’еса «Полька вясковая” ў апрацоўцы кіраўніка ансамбля Валянціна Бегунова.

Некаторым песням уласцівы гульнёвы, карагодны, драматычны пачатак. Інструментальнае суправаджэнне абагачае іх гучанне.

Дарэчы, ансамбль «Дняпроўскія зоры» быў створаны ў 1998 годзе. Першапачатковая яго назва — «Каляда». Пасля паспяховага выступлення на 5-м абласным аглядзе – конкурсе ансамбляў і аркестраў народных інструментаў «З крыніц народных” у г.п. Круг-лае ў 2000 годзе ён быў удастоены Дыплома трэцяй ступені і атрымаў прапанову падрыхтаваць творчы праект на суісканне звання “народны”. Таму і вырашылі знайсці такую назву, якая магла б умясціць у сябе каларыт песень і музыкі Прыдняпроўскага краю. Так з’явілася назва «Дняпроўскія зоры». І званне “Народны” было яму прысвечана ў чэрвене 2002 года. Зараз ансамбль налічвае ча-тырнаццаць артыстаў разам з музыкантамі.

Насычанае культурнае жыццё не толькі ў нашым раёне, але і ў межах рэспублікі заўсёды патрабавала жывой беларускай песні.

Таму на працягу свайго існавання калектыў прымае ўдзел не толькі ў раённых, а і ў абласных, рэспубліканскіх фестывалях і святах.

Сцэны сельскіх клубаў, летнія адкрытыя пляцоўкі, зернеток, фермы— вось сцэнічныя падмосткі, на якіх таксама з поспехам выступае ансамбль.

Кожная канцэртна праграма складалася з улікам пажаданняў жыхароў той вёск,і дзе адчынена філарманічная пляцоўка. На-прыклад, у аграгарадке Грудзінаўка ўдзельнікі калектыва спявалі песні з рэпертуару знакамітага беларускага ансамбля “Бяседа”, а ў вёсцы Гарадзец – песні І.Цішкова“Вёсачка мая”, Э.Зарыцкага “Бульба”.

Без увагі не застаюцца і сацыяльныя дамы абслугоўвання, якія наведвае народны калектыў “Дняпроўскія зоры”. Самыя ўдзячныя слухачы канцэртаў — людзі сталага ўзросту, якім народ-ная песня прыходзіцца да спадобы.

Ад канцэрта да канцэрта ўсё вышэй і вышэй узнімаецца па пры-ступках песеннага і музычнага майстэрства народны ансамбль на-роднай песні і музыкі «Дняпроўскія зоры», бо яго галоўная вышыня яшчэ наперадзе.

Сяргей АНДРЭЕЎ.