На юбілейны Дзень беларускага пісьменства ў Быхаве чакаюць каля сотні айчынных літаратараў

На юбілейны Дзень беларускага пісьменства ў Быхаве чакаюць каля сотні айчынных літаратараў

Амаль сто беларускіх пісьменнікаў — па дзесяць чалавек ад кожнай вобласці і трыццаць — ад сталіцы ўключаны ў склад дэлегацыі, якая прыме ўдзел у ХХ Дні беларускага пісьменства у Быхаве, паведамляе газета “Рэспубліка“.

7122fЯк адзначае старшыня Саюза пісьменнікаў Беларусі Мікалай Чаргінец, гэтае свята для літаратараў асаблівае, тым і тлумачыцца такое шырокае прадстаўніцтва і самы актыўны ўдзел у ім з боку творчай пісьменніцкай арганізацыі.

Між тым, прыгадвае Мікалай Іванавіч, так было не заўсёды. На памяці яго, удзельніка, дарэчы, усіх папярэдніх святаў, і тыя гады, калі Дзень беларускага пісьменства выглядаў, як парад чыноўнікаў усіх рангаў, за якімі хіба толькі ў апошніх радах можна было заўважыць каго з майстроў пяра. Як расказаў Мікалай Чаргінец, сам на свяце ён тады прысутнічаў яшчэ ў якасці старшыні Пастаяннай камісіі Савета Рэспублікі па міжнародных справах, і быў абураны, калі ўбачыў у хвасце такой чыноўніцкай калоны ўсяго аднаго беларускага паэта, вядомага перакладчыка, прычым лаўрэата дзяржпрэміі.

— Цяпер усё абсалютна інакш, апошнія гады свята адбываецца з асаблівым гучаннем слова пісьменнікаў, набываючы ўсё большы размах і выклікаючы ўсё большую цікавасць і рэзананс па ўсёй краіне, — канстатуе Мікалай Чаргінец.

Вось і пад час сёлетняга Дня беларускага пісьменства запланаваны шэраг творчых сустрэч літаратараў з чытачамі, удзел у аўтограф-сесіях, прэзентацыях новых выданняў, навукова-практычнай канферэнцыі.

Адной з першых падзей у дзень урачыстага адкрыцця свята на яго асноўнай пляцоўцы стане цырымонія ўзнагаро¬джання пераможцаў рэспубліканскага конкурса на лепшы літаратурны твор.

Беларускія і замежныя пісьменнікі прымуць удзел у пася¬джэнні міжнароднага круглага стала «Сугучча: мова і літаратура ў кантэксце гісторыка-культурнай спадчыны». Пад час гэтага мерапрыемства абудзецца яшчэ адна цікавая падзея — прэзентацыя кніжнага праекта «Сугучча сэрцаў», сааўтарам якога разам з Міністэрствам інфармацыі і выдавецкім домам «Звязда» выступае Саюз пісьменнікаў Беларусі. У свет выходзяць адзінаццаць кніжак, прысвечаных літаратурам краін СНД, у якiх прадстаўлены творы пісьменнікаў краін Садружнасці, напісаныя ў асноўным пасля 1991 года.

Яшчэ адзін важкі пісьменніцкі ўнёсак да юбілейнага Дня беларускага пісьменства — стварэнне гімна гэтаму святу, які ўпершыню прагучыць пад час яго адкрыцця. Тэкст урачыстага твора напісаў аўтар многіх папулярных песень, паэт Алесь Бадак, музыку — вядомы кампазітар Алег Елісеенкаў.

Последние новости

ОБЩЕСТВО

Ужасный инцидент шокировал жителей Витебского района

12 июля 2025
Читать новость
ГЛАВНОЕ

В Могилеве из окна пятого этажа выпал годовалый ребенок

12 июля 2025
Читать новость
ГЛАВНОЕ

XIV Музыкальный фестиваль «Большая бард-рыбалка» пройдет на живописных берегах Чигиринского водохранилища

12 июля 2025
Читать новость
ГЛАВНОЕ

Сегодня православные верующие отмечают День святых апостолов Петра и Павла

12 июля 2025
Читать новость
ОБРАЗОВАНИЕ

Стоимость школьных учебников в 2025/2026 учебном году

11 июля 2025
Читать новость
СПОРТ

Байдарочница Савчук выиграла третье золото чемпионата Беларуси в Заславле

11 июля 2025
Читать новость

Архивы

Рекомендуем