Наш раён наведала група выкладчыкаў і даследчыкаў з дванадцаці ўніверсітэтаў Беларусі,  Расіі , Украіны, а таксама  Будапешта, Венгрыі  і Швецыі.

Яны прадстаўлялі праект “Экалагічнае кіраванне для распрацоўкі навучальных праграм па ахове навакольнага асяроддзя”, які выконваецца з 2010 года ў рамках праграмы ЕС “Тэмпус” універсітэтамі-партнерамі з трох краінаў былога СССР у супрацоўніцтве з арганізацыямі са Славакіі, Венгрыі, Аўстрыі, Нідэрландаў і Іспаніі.

У гэтым праекце ўдзельнічаюць Беларускі дзяржаўны тэхналагічны універсітэт, Міжнародны дзяржаўны экалагічны універсітэт імя А. Сахарава, Цэнтральны навукова-даследчы інстытут комплекснага выкарыстання водных рэсурсаў, міжнародная грамадская арганізацыя “Экапраект”, а таксама Беларуска-Расійскі універсіэт, на базе якога з 5 па 11 траўня і праходзіла сустрэча партнёраў.

Паездка ў наш раён была ўключана ў праграму сустрэчы, каб лепей зразумець, чым жыве краіна, як адбываецца ўзаемадзеянне паміж прыродай і грамадствам па-за межамі вялікіх гарадоў, і якія пераўтварэнні адбыліся пасля развалу Савецкага Саюза.

Дырэктар раённага гісторыка-краязнаўчага музея Сяргей Жыжыян пазнаёміў выкладчыкаў і даследчыкаў  з гістарычнымі памяткамі Быхава і яго наваколляў.

У прыватнасці, нашыя госці наведалі былы ваенны гарадок, Баракалабаўскі жаночы  манастыр і ландшафтны заказнік “Старыца”.

Вядома, арганізатары не маглі абмінуць мемарыяльны комплекс “Лудчыцкая вышыня герояў”, дзе ўдзельнікі сустрэчы даведаліся і пра гэтыя гераічныя старонкі нашай мінуўшчыны.

Сяргей Андрэеў/