Згодна пратаколу пасяджэння Нацыянальнага арганізацыйнага камітэта па падрыхтоўцы і правядзенню Дня беларускага пісьменства ў г. Быхаве 1 верасня 2013 г. Міністэрства культуры распрацавала палажэнне аб парадку арганізацыі і правядзення конкурсу эскізных праектаў манументальна-скульптурнай кампазіцыі, прысвечанай Баркалабаўскаму летапісу.

Яго мэта — пошук найлепшага мастацкага рашэння вышэйназваннай манументальна-скульптурнай кампазіцыі.

Конкурсныя матэрыялы павінны быць прадстаўлены на цвёрдым планшэце памерам 1,0х1,0 метра, мець сціслую тлумачальную запіску з абгрунтаваннем прапануемага праекта, візуалізацыю архітэктурна-пластычнага рашэння манументальна-скульптурнай кампазіцыіі і яе мадэль у масштабе.

Для ўдзелу ў конкурсе ў тэрмін па 19 красавіка 2013 г. уключна падаецца заяўка па адрасу: г. Мінск, пр. Пераможцаў, 11, каб. 316. Кантактны тэлефон +375172039131.

Конкурсныя матэрыялы павінны быць прадстаўлены аўтарамі па 19 красавіка 2013 г. не пазней 17.00 па адрасу: г. Мінск, пр. Незалежнасці, 81, галерэя Беларускай дзяржаўнай акадэміі мастацтваў.

Для пераможцаў конкурсу ўстанаўліваюцца наступныя грашовыя прэміі:

1-е месца — грашовая прэмія ў памеры 10 млн. рублёў.

2-е месца — грашовая прэмія ў памеры 7 млн. рублёў.

3-е месца — грашовая прэмія ў памеры 5 млн. рублёў.