Партыю нелегальных мабільных тэлефонаў канфіскавалі ў 30-гадовага непрацуючага магілёўца. 15 мабільнікаў ацанілі ў агульную суму 14 мільёнаў рублёў, паведаміў намеснік начальніка упраўлення Дэпартамента фінансавых расследаванняў Камітэта дзяржкантроля Рэспублікі Беларусь па Магілёўскай вобласці Аляксандр Шаройкин.

Праваахоўнікі высветлілі, што парушальнік на працягу паўгода незаконна прадаваў тэхніку за замежную валюту, размяшчаючы рэкламныя аб’явы на Інтэрнэт-сайтах. Ніякіх дакументаў, якія пацвярджаюць набыццё і якасць мабільных тэлефонаў, у магілёўца не было. На ўсё прададзеныя мабільныя прадавец “даваў” вусную гарантыю тэрмінам на 1 год, пры гэтым ніякіх гарантыйных талонаў не афармляў.

Правапарушальніку пагражае штраф у памеры да 10 мільёнаў рублёў за занятак незаконнай прадпрымальніцкай дзейнасцю з канфіскацыяй мабільных тэлефонаў і ад 1 да 5 мільёнаў рублёў за незаконнае прыняцце замежнай валюты ў якасці аплатнага сродку. У правапарушальніка таксама канфіскавалі больш за тысячу долараў ЗША, якія ён атрымаў ад раней рэалізаваных мабільных тэлефонаў.

rm.tvrmogilev.by