Батлейка ў Баркалабава
На працягу апошніх гадоў у Баркалабаўскім КСЦ створаны музейны пакой.
На яго базе арганізоўваецца дзейнасць па фарміраванню ў падрастаючага пакалення паважных адносін да нацыянальнай спадчыны, культуры, адказнасці за іх захаванне і развіццё праз знаёмства з беларускімі абрадамі, гульнямі,казкамі Баркалабаўскага края, знаемства з бытам, прадметамі хатняга абіхода, якімі карысталіся нашы продкі.
Акунуцца ў эпоху старажытнай культуры вёскі Баркалабава, датыкнуцца да жывой гісторыі сваіх продкаў, здзейсніць своеасаблівае падарожжа праз час для ўдзельнікаў творчага праекта “Баркалабаўскія карункі” не толькі захапляльна і цікава, але і карысна.
У час правядзення Калядных святаў удзельнікі клуба “Спадчына” Баркалабаўскага КСЦ адрадзілі беларускую батлейку. Для маленькіх гледачоў і малодшага школьнага ўзросту падрыхтавана казка, запісаная ад мясцовай жыхаркі вёскі Баркалабава Улляны Барсуковай“Каза манюка “.
Кіраўніком клуба “Спадчына” з’яўляецца Алеся Аседач — мастацкі кіраўнік Баркалабаўскага КСЦ. Казку падрыхтавалі Алена Іванова, Віалета Мікалайчык, Валерыя і Вікторыя Аседач, Мікіта Сямёнаў.
Добрыя ўмовы для стварэння музейнага пакоя створаны і ў Глухскім СДК. Дырэктар ГалінаТрыманава займаецца ўладкаваннем музейнага пакоя, папаўненнем яго новымі экспанатамі, стварэннем картатэкі рэчаў, якія маюцца ў музейным пакоі. Зараз распрацоўваюцца тэмы правядзення экскурсійных заняткаў на базе музейнага пакоя. Ён дзейнічае як куток па захаванню і развіццю народнай культуры, папулярызацыі рэгіянальнай культурна-гістарычнай спадчыны.
Святлана САЛАМЕВІЧ, загадчыца метадычнага аддзела РЦК.
