У Гадылёўскім сельскім клубе адбылася літаратурная сустрэча з Міколам Леўчанкам
Цэнтральная раённая бібліятэка ў рамках тыдня кнігі правяла ў Гадылёўскім сельскім клубе літаратурную сустрэчу мясцовай моладзі з галоўным рэдактарам раённай газеты “Маяк Прыдняпроўя”, членам Саюза пісьменнікаў Беларусі Міколам Леўчанкам.
Галоўны бібліятэкар аддзела абслугоўвання і інфармацыі цэнтральнай раённай бібліятэкі Наталля Чарняўская коратка паведаміла аб жыццёвым і творчым шляху журналіста і пісьменніка, а затым слова меў сам Мікола Уладзіміравіч. Ён нагадаў аб тым, як прыйшоў у літаратуру, якія кнігі і чаму напісаў, а таксама аб сваім удзеле ў Дні беларускага пісьменства ў горадзе Глыбокае на Віцебшчыне, які праходзіў там 2 верасня.