21 лютага адзначаецца Міжнародны дзень роднай мовы
21 лютага ў свеце адзначаецца Міжнародны дзень роднай мовы. Гэтае свята абвешчана Генеральнай канферэнцыяй ЮНЭСКА ў 1999 годзе дзеля захавання моваў, якім пагражае знікненне. Свята роднай мовы прымеркавана да гадавіны гібелі пецярых студэнтаў Бангладэш, якія выступалі за самастойнасць мовы бангла ў Пакістане.
Паводле перапісу насельніцтва, беларускую мову назвалі роднай 5 мільёнаў 58 тысяч грамадзян Беларусі. Сярод беларусаў гэтую мову лічаць роднай крыху больш за 60%. Большая частка насельніцтва (70%) аддае перавагу рускай мове. На ёй размаўляюць 96% рускіх, 88% украінцаў, 70% беларусаў, 51% палякаў. Па-беларуску дома размаўляюць 26% беларусаў і … 41% палякаў.
Калі ў Мінскай вобласці беларускую мову лічаць роднай каля 70% насельніцтва, то ў іншых рэгіёнах – крыху больш за 50%.
З 45 тысячамі дашкольнікаў (12%) ва ўстановах дашкольнай адукацыі выхавацелі размаўляюць па-беларуску. 18% (164 тысячы) беларускіх школьнікаў вывучаюць усе прадметы на беларус кай мове. Толькі для 1600 навучэнцаў (1%) беларуская мова ў якасці мовы навучання захоўваецца ва ўстановах спецыяльнай сярэдняй адукацыі. У ВНУ па-беларуску навучаецца 4200 студэнтаў – 0,9%.