Сёлетняя калегія ўпраўлення ідэалагічнай работы работы аблвыканкама па выніках прайшоўшага года пачалася з прэзентацыі кнігі вядомага на Магілёўшчыне гісторыка і краязнаўцы, пісьменніка Мікалая Барысенкі “1941-й: пылаюўіе рубежі Днепра і Сожа”. Мікалай Сяргеевіч расказаў аб стварэнні свайго твора. Падзякаваў тым, хто актыўна дапамагаў яму яе рыхтаваць. Таму прыемна было пачуць прозвішчы быхаўскіх пошукавікоў Сяргея Жыжыяна і Ларысы Папковай.

Аналіз работы рэгіянальных СМІ зрабіў начальнік  упраўлення Андрэй Кунцэвіч. Ён падкрэсліў, што тыражы шэрагу выданняў, у тым ліку і нашага “Маяка Прыдняпроўя”, ўзраслі, але трэба імкнуцца таксама да росту самаакупнасці. Сёння самаакупнай з’яўляецца толькі “Асіповіцкі край”, наблізілася да яе паказчыкаў Клімавіцкая “Родная ніва”. Астатнім раёнкам трэба ў гэтым накірунку нямала працаваць. Нам таксама, самаакупнасць “МП” хоць і вышэй сярэднеабласнога паказчыка на 4,5 працэнта, але да поўнай самаакупнасці яшчэ далекавата.

У ліку чатырох газет, якія часцей іншых на сваіх старонках скарыстоўваюць беларускую мову, Андрэй Міхайлавіч назваў і быхаўскую.

Дакладчык казаў таксама аб неабходнасці палепшыць вёрстку і дызайн рэгіянальных СМІ, пераходзіць з двухразовага выхаду ў свет на штотыднёвікі там, дзн гэта апраўдана. Першай адзін раз на тыдні і на 16-ці старонках яшчэ летаст пачала выходзіць Хоцімская раёнка, нядаўна яе прыкладу паследавала Слаўгарадская. Ганна Мармузевіч, галоўны рэдактар Хоцімскай газеты, потым у сваім выступленні гаманіла аб сваіх новаўвядзеннях, але ведаючы іх кадравыя праблемы і тое, што да нядаўнега часу там нават кіраўнікі выданняя часта мяняліся, мяне яе словы не пераканалі. Тут, як кажуць, спачатку сем разоў адмерай, а потым адзін раз адрэж.

Ішла таксама гамонка аб сайтах газет, райвыканкамаў і сайт Быхаўскага райвыканкама, яго прадстаўнічая візітка была пастаўлена ў прыклад іншым.

Аб неабходнасці пераходу на штотыднёвыя выданні гаварыў таксама намеснік міністра інфармацыі Рэспублікі Беларусь Уладзімір Матусевіч. Ён пагадзіўся з прапановаю Андрэя Кунцэвіча ўвесці ў штат раёнак адзнаку адміністратара сайта. Такая неабходнасць ужо наспела. Таму Уладзімір Уладзіміравіч паведаміў, што міністэрства ўжо выйшла з такою прапановаю ў адпаведныя інстанцыі.

Пераканаўча гаманіў памочнік Прэзідэнта краіны — галоўны інспектар па Магілёўскай вобласці Генадзь Лаўранкоў. Асабліва аб выніках роацы і яе аплацке. Многія нашы крыкуны, падкрэсліў ён, працуюць так, што нават налічаныя ім заробкі завышаны. І спаслаўся ў якасці прыкладу на вытворчае аб’яднанне “Белшына” ў Бабруйску. На гэтым вялізным прапрыемстве, якое пастаўляе сваю прадукцыю ў многія краіны свету, людзі стаяць у чарзе, каб атрымаць работу, з 2005 года. Толькі работа рабоце розніца. На высокааплачваемую спецыяльнасць, скажам, вулканізатаршчыка, які зарабляе ў месяц 11 і болей мільёнаў рублёў, канкурэнцыі няма. Там жа шкодныя ўмовы працы. А вось уладкавацца… прыбіральшчыцамі жадаюць многія. Вывады рабіце самі.

Адной дзяўчыне захацелася вялікіх грошай. Ледзь не на каленях прасіла ўзяць яе ў цэх. Узялі, але там яна не вытрымала нават года. Звольнілася.

Генадзь Міхайлавіч казаў таксама аб эфектыўнасці праводзімых у калектывах адзіных дзён інфармавання, які павінен займаць не болей паўгадзіны, каб марна не траціць дарагі час, аб патрыятычным выхаванні моладзі на баявым жыцці ветэранаў афганскай вайны.

Свае меркаванні па некаторых спрэчных момантах выказаў таксама галоўны спецыяліст упраўлення ідэалагічнай работы Адміністрацыі Прэзідэнта Рэспублікі Беларусь Анатоль Рошчанка.

Старшыня абласнога аддзялення ГА “Саюз пісьменнікаў Беларусі” Уладзімір Дуктаў нагадаў прысутным аб сёлетнім Годзе кнігі, у які мы адзначылі 130 (?) гадовы юбілей класікаў беларускай літаратуры Янкі Купалы і Якуба Коласа, аб плённай працы пісьменнікаў Магілёўшчыны, сярод якіх ён назваў і аўтара гэтых радкоў. А па заканчэнні калегіі ўручаліся ўзнагароды. Загадчык аддзела ідэалагічнай работы нашага райвыканкама Дзмітрый Ігнацьеў з рук Андрэя Кунцэвіча атрымаў Ганаровую грамату ўпраўлення за шматгадовую, добрасумленную працу, уклад у рэалізацыю дзяржаўнай палітыкі ў сферы ідэалогіі.

             Мікола ЛЕЎЧАНКА.