Праваслаўныя святары ў Магілёве выйшлі на дарогу разам з інспектарамі ДАІ
Памінальны малебен па ахвярах транспартных здарэнняў адслужылі на самых аварыйна небяспечных участках дарог абласнога цэнтра.
Прынамсі, настаяцель Крыжа ўздвіжанскай царквы протаіерэй Сергій пабываў на пешаходным пераходзе на вуліцы Крупскай у Магілёве, дзе ўжо сёлета сур’ёзна пацярпеў пешаход і загінула 9-гадовая дзяўчынка.
Трагедыя адбылася 9 студзеня, калі ўвечары малодшая школьніца вярталася са спартыўных заняткаў дадому. Яна перабягала дарогу на чырвонае святло, была збіта адным аўтамабілем і трапіла пад колы другога. У памяць аб дзяўчынцы, а таксама для таго, каб асвяціць гэтае месца, якое людзі сталі называць нядобрым, святар правёў набажэнства. Гэта ўжо далёка не першы выпадак, калі духавенства разам з ДАІ звяртае ўвагу на аварыйныя ўчасткі дарог, дзе церпяць людзі.
Ілона Іванова, Звязда