У філіяле «Дзіцячая бібліятэка» прайшла вечарына беларускіх ласункаў «Скарбы беларускай кухні»

У філіяле «Дзіцячая бібліятэка» ў этнаграфічным кутку для дзяцей ДУА «СШ № 3 г. Быхава імя М.Т. Маскалькова» прайшла вечарына беларускіх ласункаў «Скарбы беларускай кухні».
Загадчык бібліятэкі расказала дзецям пра асаблівасці беларускай кухні і традыцыі харчавання, пазнаёміла з кнігамі. У этнаграфічным кутку накрылі стол у нацыянальным стылі са стравамі беларускай кухні: сала, салёныя агуркі, квашаная капуста, наліснікі і традыцыйныя напоі.

Каб замацаваць веды, для ўдзельнікаў прайшла віктарына «Смачныя скарбы Беларусі». А ў завяршэнні чакаў самы цікавы момант – дэгустацыя страў.

Свята атрымалася насычаным і цікавым. Яно яшчэ раз даказала: наша беларуская кухня – самая багатая, смачная і разнастайная.