На Быхаўшчыне да правядзення прафілактычнай работы ў жылым фондзе падключыліся ветэраны органаў і падраздзяленняў па надзвычайных сітуацыях.

Прычыны пажараў у жылым сектары самыя разнастайныя — парушэнне правіл эксплуатацыі печаў, выкарыстанне няспраўнай электраправодкі і няспраўных электранагравальных прыбораў, неасцярожнае абыходжанне з агнём. Праверка жылых памяшканняў, абследаванне электра і ацяпляльнага абсталявання, прафілактычныя гутаркі і наглядная агітацыя — вось асноўныя напрамкі работы ў ходзе прафілактычных абыходаў.

Выратавальнікі сумесна з ветэранамі праводзяць гутаркі з насельніцтвам пра неабходнасць выканання правіл пажарнай бяспекі, правяраюць стан электраправодкі, пячнога ацяплення, таксама вядзецца тлумачальная работа і ажыццяўляецца распаўсюджванне наглядна-выяўленчай прадукцыі МНС Рэспублікі Беларусь.

Старшы інспектар сектара прапаганды і ўзаемадзеяння з грамадскасцю

Быхаўскага РАНС

Сяргей Ісаенка