На Быхаўшчыне працягваецца прафілактычная работа ў жылым сектары
Работнікі Быхаўскага раённага аддзела па надзвычайных сітуацыях працягваюць правядзенне прафілактычнай работы ў жылым сектары.
Статыстыка ўсіх адбыўшыхся пажараў у жылым сектары паказвае: прычыны пажараў самыя разнастайныя — парушэнне правіл эксплуатацыі печаў, выкарыстанне няспраўнай электраправодкі і няспраўных электранагравальных прыбораў, неасцярожнае абыходжанне з агнём. Праверка жылых памяшканняў, абследаванне электра і ацяпляльнага абсталявання, прафілактычныя гутаркі і наглядная агітацыя — вось асноўныя напрамкі работы ў ходзе прафілактычных абыходаў.
Выратавальнікі праводзяць гутаркі з насельніцтвам пра неабходнасць выканання правіл пажарнай бяспекі, правяраюць стан электраправодкі, пячнога ацяплення, таксама вядзецца тлумачальная работа і ажыццяўляецца распаўсюджванне наглядна-выяўленчай прадукцыі МНС Рэспублікі Беларусь.
Старшы інспектар сектара прапаганды і ўзаемадзеяння з грамадскасцю
Быхаўскага РАНС
Сяргей Ісаенка
