Добрыя справы — з добрымі сэрцамі
Напярэдадні Дня ведаў Быхаўская раённая арганізацыя Рэспубліканскага грамадскага аб’яднання “Белая Русь” прыняла ўдзел у штогадовай дабрачыннай акцыі “У школу з “Добрым Сэрцам”, аказаўшы дапамогу дзецям, якія знаходзяцца ў складанай жыццёвай сітуацыі.
Са сродкаў арганізацыі было выдзелена 200 рублёў на набыццё канцылярскіх тавараў для дзяцей з малазабяспечаных сем’яў,
Гэты добры жэст дапамог падрыхтаваць дзяцей з чатырох сем’яў да школьных будняў. Прадстаўнікі РГА “Белая Русь” наведалі сем’і, дзе выхоўваюцца дзеці-школьнікі, павіншавалі іх з пачаткам новага навучальнага года і пажадалі, каб кожны дзень у школе быў напоўнены радаснымі падзеямі, цікавымі ўрокамі, а таксама ўручылі школьна-пісьмовыя прыналежнасці.
Дарэчы, раённая арганізацыя РГА “Белая Русь” рэгулярна прымае ўдзел у падобных акцыях.
Ул. інф.