Сваім удзелам у экалагічнай акцыі «Чысты бераг» моладзь Быхаўшчыны ярка прадэманстравала, што з неабыякавасцю адносіцца да прыроды, да роднага краю.

Каля паўсотні актывістаў БРСМ з гарадскіх устаноў адукацыі ўзброіліся граблямі, пакетамі для смецця ды спусціліся да Днепра, каб прыбраць прыбярэжную зону. Прайшоўшы па абодвух берагах, школьнікі і ліцэісты сабралі шмат пластыкавых і шкляных бутэлек, паперы і іншага смецця, пакінутага нядбайнымі грамадзянамі. Дзяўчаты і хлопцы з разуменнем і адказнасцю паставіліся да даручанага  задання. І з энтузіязмам папрацавалі на агульную карысць. Тым самым ужо моладзь уносіць свой уклад у выхаванне экалагічнай культуры больш сталых землякоў.

Наталля ЛЕВАЧКОВА.