У быхаўскім музеі пачала працаваць выстава, прысвечаная “гарачым” будням ратавальнікаў
Учора ў раённым гісторыка-краязнаўчым музеі пачала працаваць выстава, прысвечаная гісторыі развіцця пажарнай справы Магілёўскай вобласці.
З ініцыятывай арганізаваць перасоўную выставу выступіў старшы інспектар групы прапаганды і ўзаемадзеяння з грамадскасцю Бабруйскага ГРАНС Дзмітрый Сказаў. Ён жа і аўтар большасці фотаработ.
Экспазіцыя ўяўляе сабой сімбіёз гісторыі і сучаснасці: дакументы, абсталяванне ратавальнікаў-пажарных і, вядома, маляўнічыя творчыя фотаздымкі – пастановачныя і зробленыя на пажарах.
У першую чаргу наведаць выставу, якая прадоўжыцца да 16 сакавіка, запрашаюць школьнікаў. Таксама будуць рады бачыць у музеі ўсіх жадаючых.
Кацярына ЧЫГІРОВА.