БЯСПЕКА

За 8 месяцаў года ў выніку няшчасных выпадкаў на аб’ектах чыгуначнага транспарту краіны пацярпелі 7 чалавек: шасцёра загінулі, 1 атрымаў траўмы. Каб пазбегнуць падобных трагедый з 12 па 16 верасня праводзіцца спецыяльнае комплекснае мерапрыемства «Бяспека». Нагадаем: за праход па чыгуначным пуці ў неўсталяваным месцы прадугледжана адміністрацыйная адказнасць у выглядзе штрафу ў памеры да 2 базавых велічынь. За парушэнне правілаў праезду чыгуначнага пераезду – штраф ад 2 да 4 базавых велічынь.

Гэта не крапіва, не бяры яе!

Больш за 600 грамаў нявысушанай марыхуаны захоўваў у сябе дома быхаўчанін. Па дадзеным факце Следчы камітэт распачаў у дачыненні да мужчыны крымінальную справу.

Пераможны старт

На Першынстве Свету па вольнай, грэка-рымскай і жаночай барацьбе сярод кадэтаў, якое  праходзіла ў сталіцы Грэцыі Афінах, 5 месца заняла выхаванка Быхаўскай ДЮСШ Наталля Варакіна.

 Да 500-годдзя

Тэматычную сустрэчу «Францыск Скарына – духоўна-асветніцкі сімвал Беларусі» арганізавалі бібліятэкары гарадской бібліятэкі-філіяла №50 мікрараёна Колас сумесна з аддзелам кінавідэамерапрыемстваў ДУК «Цэнтралізаваная клубная сістэма Быхаўскага раёна» для навучэнцаў 4 класаў ДУА «СШ №2 г. Быхава», а таксама прадэманстравалі школьнікам фільм «500 гадоў гісторыі беларускага кнігадрукавання».