Саламяныя «павукі» — лёгкія падвесныя канструкцыі — здаўна адшукалі славу абярэгаў, якія забіраюць на сябе негатыўную энергію.

Залацістыя вырабы з саломкі майстроў Быхаўскай дзіцячай школы мастацкіх рамёстваў прынеслі Быхаўшчыне яшчэ і рэспубліканскую вядомасць.

Мясцовыя традыцыйныя тэхналогіі вырабу саламяных «павукоў» уключаны ў Дзяржаўны спіс гісторыка-культурных каштоўнасцей Беларусі.

Дырэктар школы Ірына Кухціна, якая шмат гадоў таму занялася адраджэннем дадзенага нацыянальнага віду творчасці, падкрэслівае: дасягненне — плод сумеснай працы майстроў дэкаратыўна-прыкладнога мастацтва, сапраўдных прафесіяналаў, таленавітых педагогаў, якія працуюць пад яе кіраўніцтвам.

Алеся МУХАЧОВА.