У нядзелю на Кастрычніцкай плошчы горада адбылося масавае гулянне «Бывай, Масленіца шырокая!”.

Цяжка ўявіць народнае свята без музыкі, пачастункаў, конкурсаў і жартоўных гульняў. Усяго гэтага хапала і на  Масленіцы. Госці  з задавальненнем частаваліся традыцыйнымі блінамі і іншымі прысмакамі, якія прапаноўвалі гандлёвыя кропкі.

Святочны настрой  вясёлымі песнямі падтрымлівалі калектывы і самадзейныя артысты.

А потым у неба ўзвілася зыркая стужка масленічнага вогнішча. Саламянае  пудзіла Зімы  згарэла надзіва хутка. Надакучылі людзям халады, хочацца цяпла,  радасці і кахання.