Хлебаробы філіяла “Макранскі” ААТ “Быхаўскі КАСЗ” паскорылі тэмпы сяўбы ранніх збожжавых культур

Апошнімі днямі хлебаробы філіяла “Макранскі” ААТ “Быхаўскі кансервава-агароднінасушыльны завод” паскорылі тэмпы сяўбы ранніх збожжавых культур і ўжо блізкія да яе завяршэння.

DSCN0591

Важкі ўклад у паспяховае выкананне гэтых работ уносіць вопытны механізатар сельгаспрадпрыемства Аляксей Праявін. На сваім магутным трактары МТЗ-3522 з высокапрадукцыйным пасяўным комплексам “RABE” ён ужо пасеяў болей 600 гектараў збожжавых і зернебабовых культур.

Для Аляксея Мікалаевіча сёлетняя веснавая палявая кампанія ўжо дваццатая па ліку і ніякіх сакрэтаў для яго тут амаль няма. Галоўным хлебароб лічыць тое, каб адпаведным было арганізацыйнае і матэрыяльна-тэхнічнае забеспячэнне сяўбы, што і назіраецца цяпер.

Бліжэйшымі днямі Аляксей Праявін гэтым жа пасяўным комплексам пачне сяўбу вельмі важнай для філіяла культуры — зялёнага гарошку.

Мікалай Ахрыменя.