Пяць трактараў Мінскага трактарнага завода набыў нядаўна СВК “Следзюкі”

Сярод іх маюцца два маркі МТЗ-82, па аднаму — МТЗ-1221 і МТЗ-1025, а таксама энерганасычаны МТЗ-1523. Гаспадарка купіла іх з растэрміноўкай плацяжу на тры гады.

Новыя сельскагаспадарчыя машыны пераданы ў рукі лепшым механізатарам СВК і ўжо працуюць на сёлетніх веснавых палявых работах. Новага “стальнога каня” атрымаў і перадавы трактарыст Аляксандр Жыглянкоў, якога мы разам з начальнікам вытворчага ўчастка СВК “Следзюкі” Мікалаем Пацаем заспелі за ўнясеннем арганічных угнаенняў пад яравыя культуры.

Як патлумачыў Мікалай Сяргеевіч, новы трактар аказаўся для механізатара менавіта цяпервельмі неабходны, бо Аляксандра сёлета чакае працаёмістая справа — вырошчванне бульбы на плошчы каля паўсотні гектараў. На гэтым трактары з рознымі прычапнымі агрэгатамі ён будзе займацца падрыхтоўкай палетка, пасадкай культуры, апрацоўкай пасеваў, уборкаю ўраджаю ды іншым.

Мікалай Ахрыменя.