Аляксандр Жукаў не мае звычкі наракаць

Аляксандр Жукаў не мае звычкі наракаць

Пасля збожжаўборачнай кампаніі нарыхтоўка травяністых і іншых зялёных кармоў з’яўляецца, бадай, самым важным і адказным вытворчым працэсам у сельскай гаспадарцы, залогам паспяховага развіцця яе жывёлагадоўчай галіны. Пачынаецца яна яшчэ напачатку чэрвеня і доўжыцца з перапынкамі звычайна да канца кастрычніка.

DSCN8782У вадзіцеля СВК “Валадарскі” Аляксандра Жукава (на здымку) колькі год запар яна яшчэ болей працяглая і праходзіць без аніякіх перапынкаў, акрамя, канешне, зімовага перыяду.

—На зялёную падкормку жывёле падкошваць травы ці канюшыну мы пачынаем дзесьці ў сярэдзіне мая, — распавядае Аляксандр Віктаравіч. — Каб своечасова і ў поўным аб’ёме забяспечыць свежымі кармамі пагалоўе жывёлы на Няражскім малочна-таварным комплексе, Ямніцкай і Валадарскай МТФ мне і маім паплечнікам, камбайнерам кормаўборачных камбайнаў Юнусу Хабібуліну і Мікалаю Шадькову вяснова-летнім сезонам доводзіцца падымацца дзесьці каля пятай гадзіны раніцы ды ўжо пэўна праз гадзіну працаваць на палетку.

Асноўнаю маёю задачаю з’яўляецца дастаўка на сваім вялікагрузным аўтамабілі МАЗ-5551 з прычэпам зялёных кармоў на фермы, дзе яны ўжо кормараздатчыкам “Гаспадар” размяркоўваюцца па жывёлагадоўчых памяшканнях. Так завіхаюся прыкладна да абеду, а потым ужо займаюся іншымі, самымі рознымі работамі па транспартыроўцы грузаў.

У самыя адказныя перыяды корманарыхтоўкі актыўна падключаюся да адвозкі зялёнай масы ад камбайнаў і закладкі яе ў траншэі. Гэта тычыцца нарыхтоўкі травяністых кармоў улетку ды, асабліва, кукурузнага сіласу ўвосень.

На ўсіх гэтых работах Аляксандр Жукаў па выніках мінулага года дасягнуў высокіх паказчыкаў. Так, ён перавёз звыш 12,5 тысяч тон зялёнай падкормкі, адвёз ад камбайнаў каля 4,4 тыс. тон сіласнай масы, даставіў з сенакосаў 112 т сена. Гэтыя дасягненні далі яму магчымасць стаць адным з пераможцаў рэспубліканскага спаборніцтва па нарыхтоўцы травяністых кармоў заняць другое месца і ўдастоіцца Ганаровага дыплома Міністэрства сельскай гаспадаркі і харчавання Рэспублікі Беларусь з грашовай прэміяй.

—Я не маю звычкі наракаць на сваю нялёгкую сялянскую працу, якою займаюся ўжо каля двух дзесяцігоддзяў, як гэта робяць некаторыя іншыя, — кажа ў заключэнне нашай размовы перадавік сельгасвытворчасці. — Тым болей, не люблю, так бы мовіць, скардзіцца наконт заробкаў. Па вялікаму рахунку, мы іх зарабляем такія, як шмат ці няшмат, якасна ці дрэнна працуем.

Калі я, да прыкладу, хочу няблага зарабляць, то і кручуся адпаведным чынам. Нават цяпер, узімку, калі вадзіцельскай справы ў гаспадарцы мала, падрабляю качагарам на комплексе. Таму і пэўны дастатак маецца ў маёй сям’і.

Мікалай Ахрыменя.

Последние новости

ГЛАВНЫЕ НОВОСТИ

Как белорусы будут работать и отдыхать в мае 2024

28 марта 2024
ОБРАЗОВАНИЕ

В Минобразования рассказали, введут ли обязательную отработку для платников

28 марта 2024
КАЛЕЙДОСКОП

В Беларуси запретили продажу стирального порошка Ariel и капсул Tide

28 марта 2024
ГЛАВНОЕ

В Беларуси на 1 января 2024 года проживало около 9,15 млн человек

28 марта 2024
НА СТРАЖЕ ЗАКОНА

29 марта – прямая телефонная линия с начальником 11 управления ГУБОПиК МВД

28 марта 2024
ЭКОНОМИКА

Дни Могилевской области пройдут с 29 марта по 22 апреля на ВДНХ в Москве

28 марта 2024
В МИРЕ

Напавшие на “Крокус Сити Холл” были под воздействием наркотических веществ

28 марта 2024
ГЛАВНЫЕ НОВОСТИ

Карпенко рассказал, как идет формирование ВНС

28 марта 2024
АКТУАЛЬНО

Прямая линия замначальника Могилевского областного управления МЧС Владимира Гореликова пройдет 30 марта

28 марта 2024
АКТУАЛЬНО

Бесплатную консультацию нотариуса можно будет получить 2 апреля

28 марта 2024

Архивы

Рекомендуем

ГЛАВНЫЕ НОВОСТИ

Быховские правоохранители в течение суток раскрыли уголовное преступление

25 марта 2024
ВАШЕ ЗДОРОВЬЕ

Как в условиях модернизации Быховской ЦРБ оказывается медицинская помощь жителям района

25 марта 2024
ГЛАВНЫЕ НОВОСТИ

В Быхове чествовали лучших работников коммунальной сферы

21 марта 2024
ГЛАВНЫЕ НОВОСТИ

В Быховском районе горела баня

26 марта 2024
ГЛАВНЫЕ НОВОСТИ

На Быховщине состоялось очередное заседание комиссии по содействию занятости населения райисполкома

20 марта 2024
КУЛЬТУРА

Быхаўчан запрашаюць на тыдзень традыцыйнага мастацтва

21 марта 2024
ГЛАВНОЕ

Сергей Антонов, известный быховчанам своими писаниной и видосиками на экстремистских каналах, подался в бега

20 марта 2024
ВАШЕ ЗДОРОВЬЕ

О мерах предосторожности в паводковый период

15 марта 2024