У Беларусі змяніліся правілы перапланіроўкі жылля
Днямі ўступила ў правамоц Пастанова Савета міністраў, якая вызначыла новы парадак перабудовы і перапланіроўкі памяшканняў.
Так, законна зрабіць яшчэ адзін паўнавартасны пакой на балконе зараз не атрымаецца. Паводле новай пастановы, усталяванне ацяпляльных прыбораў на балконах і лоджыях забаронена. Нават калі такая перабудова была зроблена раней, уладальнік кватэры павінен будзе прадаставіць дакументы, якія даказваюць законнасць дзеянняў. У адваротным выпадку, прыйдзецца вярнуць інжынерныя сеткі ў першапачатковы стан.
Атрымаць больш цяпла для сваей кватэры за кошт нарошчвання ацяпляльных батарэй зараз таксама забаронена, адзначылі ва ўпраўленні жыллева-камунальнай гаспадаркі Магілеўскага аблвыканкама. Таксама новы дакумент забараняе любую перабудову вентыляцыйных сістэм, дадалі спецыялісты.
Некаторыя працы патрабуюць узгаднення і распрацоўкі праектнай дакументацыі. У прыватнасці, гэта датычыцца змен у апорных канструкцыях, пераносу ручнікасушыльніка, электрычных разетак і выключальнікаў. Прасцей за ўсе, па новых правілах, замяніць вокны і зашкліць балкон. Гэтыя працы не патрабуюць распрацоўкі праектнай дакументацыі. А значыць – уладальніку кватэры будзе дастаткова звярнуцца ў мясцовы орган улады і абслуговую камунальную арганізацыю за ўзгадненнямі. І ужо пасля атрымання дазволу можна зашкляць балконы і лоджыі, а таксама замяняць аконныя запаўненні.
Але не ўсё так сумна для аматараў перабудоўлі ўласных кватэр. Замяніць у кватэры міжпакаевыя дзверы, ванну або ўнітаз Савет міністраў дазволіў і зусім без якіх-небудзь узгадненняў.