Прафесар Міхаіл Цікоцкі адзначыў 90-гадовы юбілей

Выдатны беларускі мовазнавец і журналіст, доктар філалагічных навук Міхаіл Яўгенавіч Цікоцкі — чалавек рускі па паходжанні, але беларус — па духу.

Міхаіл Цікоцкі. Фота Анатоля Клешчука

Аднойчы ўдакладніла ў прафесара: вашы карані ў Пецярбургу? Ён адказаў досыць рэзка: “Гэта няважна! Хоць карані мае сапраўды расійскія, душой я беларус. І словам — беларус!” Невыпадкова ўсё жыццё ён вывучае сугучнасць слоў жывых сваёй РОДНАЙ беларускай мовы.

Ён нарадзіўся ў сям’і Яўгена Карлавіча Цікоцкага — вядомага кампазітара, народнага артыста СССР, аднаго з заснавальнікаў прафесійнай музычнай творчасці ў Беларусі. Па бацькавым шляху не пайшоў, бо з дзяцінства была велізарная цікавасць да слова, яшчэ хлапчуком пісаў вершы і нават паэмы.

Ён скончыў школу ў 1941 годзе, на 22 чэрвеня быў прызначаны выпускны баль. Але… свой “чорны баль” распачала вайна. Два гады — у акупацыі. У 1943-м удалося звязацца з партызанамі: Любанскі раён, востраў Зыслаў. Потым на самалёце сям’ю вядомага кампазітара Цікоцкага пераправілі ў Маскву. Адтуль пайшоў на фронт. Ваяваў на 1-м, 2-м і 3-м Беларускіх франтах. Дайшоў да Кёнігсберга. Быў паранены… Сярод шматлікіх узнагарод самыя дарагія — два медалі “За адвагу”. Узнагароды гэтыя даваліся толькі за баявыя дзеянні…

Пасля вайны паступіў на аддзяленне журналістыкі Белдзяржуніверсітэта. Вучыўся і паралельна працаваў у газеце “Савецкі селянін”, потым у “Калгаснай праўдзе”, супрацоўнічаў з “Вожыкам”.

Міхаіл Цікоцкі — у ліку заснавальнікаў школы беларускай стылістыкі, аўтар прац па вывучэнні мовы нашых класікаў — Я. Коласа, Я. Купалы, К. Чорнага, М. Лужаніна, У. Караткевіча, І. Мележа… Грунтоўна займаўся стылістыкай публіцыстычных жанраў.

Больш як паўвека прафесар Міхаіл Цікоцкі выкладаў на факультэце журналістыкі БДУ. Не адно пакаленне журналістаў з удзячнасцю ўспамінае яго ўнікальныя моўныя ўрокі.

Міхаіл Яўгенавіч Цікоцкі ўзнагароджаны знакам “Заслужаны работнік Беларускага дзяржаўнага ўніверсітэта”. Днямі гэтую ганаровую ўзнагароду прафесару ўручылі дырэктар Інстытута журналістыкі БДУ Сяргей Дубовік і загадчык кафедры стылістыкі і літаратурнага рэдагавання Віктар Іўчанкаў.

23 лютага ў Інстытуце журналістыкі пройдзе Міжнародная навукова-практычная канферэнцыя “Жыццём і словам прысягаючы…”, прысвечаная 90-годдзю доктара філалагічных навук, прафесара, заслужанага работніка адукацыі Рэспублікі Беларусь Міхаіла Яўгенавіча Цікоцкага.

 

Таццяна Падаляк, Звязда

Последние новости

ГЛАВНОЕ

Быховский лесхоз проводит необходимые мероприятия по выявлению пострадавших участков лесного фонда

15 июля 2025
Читать новость
СПОРТ

Опубликовано расписание XXXIV Олимпийских Игр в Лос-Анджелесе

15 июля 2025
Читать новость
ОБЩЕСТВО

Трагедия в Кировском районе: утонул мужчина 1981 года рождения

15 июля 2025
Читать новость
КУЛЬТУРА

Программа фестиваля «Рыцарский фест. Мстиславль-2025»

15 июля 2025
Читать новость
ОБРАЗОВАНИЕ

МГУ имени А.А. Кулешова набирает студентов по специальности “Музыкальное образование”

15 июля 2025
Читать новость
НА СТРАЖЕ ЗАКОНА

Нет задачи важнее: особый контроль – уборочной кампании

15 июля 2025
Читать новость

Архивы

Рекомендуем