Быхаўчанін Раман Галынскі ў спісе Прэзідэнцкіх стыпендыятаў

Стыпендыі Прэзідэнта Беларусі на 2018 год прызначаныя 92 перспектыўным аспірантам. Адпаведнае распараджэнне падпісаў Аляксандр Лукашэнка.

У спісе маладых таленавітых навукоўцаў ёсць і быхаўчанін – аспірант гісторыка-філалагічнага факультэта МДУ ім. А. А. Куляшова, галоўны спецыяліст аддзела ідэалагічнай работы, культуры і па справах моладзі райвыканкама Раман Галынскі.

У ліку аспірантаў прадстаўнікі медыцынскіх, тэхнічных, прыродазнаўчых, гуманітарных, сельскагаспадарчых навук.

Усе стыпендыяты выконваюць дысертацыйныя працы па прыярытэтных напрамках навуковай дзейнасці. Вынікі даследаванняў прадстаўлены на рэспубліканскіх і міжнародных канферэнцыях, апублікаваныя ў навуковых выданнях, знайшлі прымяненне ў вытворчасці, лячэбнай практыцы, адукацыйным працэсе.

Распараджэнне Прэзідэнта Беларусі накіравана на стымуляванне падрыхтоўкі навуковых работнікаў вышэйшай кваліфікацыі, развіццё айчынных навуковых школ і падтрымку навукова-даследчай дзейнасці таленавітых навуковых кадраў.

Сяргей АНДРЭЕЎ.