Праваахоўнікі эвакуіравалі людзей з аўтавакзала

спортсумкаУ панядзелак раніцай з будынка аўтавакзала ў райцэнтры былі эвакуіраваны яго работнікі і наведвальнікі. На нумар «102» паступіла тэлефанаванне пра тое, што ў зале каля білетных кас доўгі час ляжыць кінутая спартыўная сумка.

На паведамленне імгненна адрэагавалі міліцыя і ратавальнікі, аператыўна пад’ехала машына хуткай дапамогі. Да месца магчымага мініравання выклікалі сапёрную групу… Вось у гэтыя трывожныя хвіліны чакання да аўтавакзала, не спяшаючыся, падышоў і сам гаспадар злашчаснай сумкі. Аказваецца, мужчына прыехаў з в. Іскань у райбальніцу, а сваякам-гараджанам прывёз гасцінцы са свайго агарода. Сумку з-за цяжару пакінуў на вакзале, разлічваючы на сумленнасць і прыстойнасць землякоў. І не памыліўся, ды толькі пра іх пільнасць не здагадаўся!