Быхаўскія навіны адным абзацам
З 17 па 28 сакавіка ў раёне праводзіцца комплекс наглядных і прафілактычных мерапрыемстваў па папярэджанні дарожна-транспартных здарэнняў з прычыны парушэнняў правілаў праезду скрыжаванняў, пешаходных пераходаў, а таксама манеўравання. У перыяд правядзення мерапрыемстваў інспектарамі дарожна-патрульнай службы ДАІ праводзяцца мэтанакіраваныя рэйды з фота- і відэафіксацыяй правапа-рушэнняў правілаў дарожнага руху вадзіцелямі і пешаходамі.
…І ЗАВЯРШЫЛАСЯ
У Быхаўскім раёне завершана рэспубліканская акцыя «Дзень бяспекі. Увага ўсім», прысвечаная Сусветнаму дню грамадзянскай абароны. У рамках першага этапу ратавальнікі наведалі ўстановы адукацыі раёна, дзе, акрамя адпрацовак планаў эвакуацыі з будынкаў школ, былі праведзены гутаркі з дзецьмі і дэманстрацыя прафілактычных відэафільмаў. На другім этапе работнікі Быхаўскага РАНС прынялі ўдзел у тэматычных бацькоўскіх сходах.
УЗНАГАРОДЖАНЫ МЕДАЛЯМІ
На апаратнай нарадзе райвыканкама старшыня Быхаўскай раённай арганізацыйнай структуры ДТСААФ Валерый Журавель уручыў юбілейныя медалі ў гонар 90-годдзя ДТСААФ старшыне райвыканкама Сяргею Ігнаценка і ваеннаму камісару раёна Леаніду Шрубу.
АМАТАРАМ МУЗЫКІ
Учора ў дзіцячай школе мастацтваў з канцэртнай праграмай выступіў народны акадэмічны хор “Мазаіка” Магілёўскага дзяржаўнага музычнага каледжа імя. Н.А. Рымскага-Корсакава. Мастацкі кіраўнік і дырыжор Жанета Ялфімава адзначыла, што калектыў з’яўляецца лаўрэатам шматлікіх міжнародных конкурсаў, уладальнікам Гран-Пры. Прысутныя нацешыліся духоўнай музыкай, класікай, пачулі творы рускіх і беларускіх кампазітараў.