Навіны адным абзацам
Следчым камітэтам распачата крымінальная справа па арт. 205 ч.1 КК (крадзёж) у дачыненні да раней судзімага жыхара аграгарадка Абідавічы. 24-гадовы мужчына, разбіўшы шыбу, улез у хату аднавяскоўца і выкраў асабістыя рэчы і прадукты харчавання на суму 200 рублёў. Цяпер злачынцу пагражае крымінальная адказнасць у выглядзе штрафу або папраўчых работ на тэрмін да 2 гадоў, або арышт ці абмежаванне волі на тэрмін да 4 гадоў, або пазбаўленне волі на гэты ж тэрмін.
Спорт і творчасць
У рамках конкурсу «Алімпійскае полымя запальвае сэрцы», абвешчанага алімпійскім камітэтам Беларусі, у катэгорыі «Полымя надзеі» другое месца прысуджана 14-га-доваму жыхару вёскі Глухі Андрэю Жодзіну. За работу пад назвай «Алімпійскае полымя запальвае сэрцы» падлетак адзначаны спецыяльным прызам ад НАК Беларусі, Белагра-прамбанка і дзіцячага фонду ААН.
Вярнуліся з кубкам
Каманда Быхаўскага райпо прыняла ўдзел у абласной спартакіядзе па міні-футболе сярод работнікаў спажывецкай кааперацыі вобласці. Спаборніцтвы праходзілі на стадыёне «Лакаматыў». Нашы футбалісты на чале са старшынёй праўлення Паўлам Пракоф’евым прадэманстравалі прыгожую і годную гульню. У выніку, каманда райпо заняла ганаровае 3 месца, заваяваўшы кубак па міні-футболе. А адзін з нашых футбалістаў, намеснік старшыні райпо Дзмітрый Кахнюк, прыме ўдзел у Рэспубліканскім турніры, прадстаўляючы магілёўскую каманду. Пажадаем перамогі!
Родная мова
Напярэдадні Міжнароднага дня роднай мовы метадысты раённага цэнтра культуры правялі для выхаванцаў дзіцячага садка №5 гульнёва-забаўляльную праграму “Гучы, родная мова”. Хлопчыкі і дзяўчынкі з задавальненнем адгадвалі загадкі, якія правялі дзяцей вясёлымі сцяжынкамі па роднай мове, прымалі ўдзел у беларускіх народных гульнях “Міха -сёў лапцік”, ”Вясёлы капялюш”, “Слуцкія паясы”.Усе ўдзельнікі мерапрыемства змаглі пазнаёміцца з беларускімі казкамі “Каза манюка” і Рэпка”.