21 лютага ўвесь свет адзначыў Міжнародны дзень роднай мовы. У фармаце свята быхаўскія ліцэісты, якія пражываюць у інтэрнаце, прапанавалі акунуцца ў чароўны свет роднай мовы, паслухаць, як гучыць яна не толькі на ўроках, але і ў выкананні вучняў нашага ліцэя ў літаратурнай гасцёўні “Сэрцам роднага слова краніся”.

Вучні падрыхтавалі тэатральную пастанову па камедыі Вінцэнта Дуніна‑Марцінкевіча «Пінская шляхта», якая з’яўляецца выдатным дасягненнем беларускай нацыянальнай драматургіі.

У зале не было дзе носа ўбіць. Гледачам хапіла часу пасмяяцца, суправадзіць кожную сцэну плясканнем у далоні. У пастанове шмат акцёрскай фантазіі і сцэнічнага майстэрства трупы нашых юных артыстаў – гэта было сапраўды незабыўнае феерычнае дзеянне, якое дапамаглі ўвасобіць выхавальнікі інтэрнату Ала Буханава і Ірына Агінская.

А як нам вывучыць беларускую мову? Трэба слухаць і гаварыць з тымі, хто ведае яе. Трэба глядзець телеперадачы, слухаць радыепередачы, чытаць кнігі на беларускай мове. Трэба прыслухоўвацца да роднай мовы і ўбіраць усё самае цікавае, што засталося нам у спадчыну.

mgol5.mogilev.by