Узнагароды — новы трактар
На абласным фестывалі – кірмашы працаўнікаў вёскі “Дажынкі-2015” ў г.п. Круглае падчас уганаравання пераможцаў абласнога спаборніцтва за дасягненне высокіх паказчыкаў на ўборцы ўраджаю зерневых і зернебабовых культур на п’едэстал пашаны запрашаўся таксама старшыня СВК “Абідавічы” Быхаўскага раёна Сяргей Лапуноў.
Узначальваемая ім гаспадарка стала пераможцай рэспубліканскага агляду-конкурсу “Землекарыстанне высокай культуры земляробства, добраўпарадкаванне машынных двароў, жывёлагадоўчых ферм і комплексаў”. За гэта Сяргею Яўгенавічу ўручылі Дыплом Дзяржаўнага камітэта па маёмасці Рэспублікі Беларусь з сертыфікатам на атрыманне новага трактара МТЗ-82.
Уганаравалі Дыпломам Магілёўскага облвыканкама з каштоўным падарункам механізатара СВК “Навабыхаўскі” Паўла Казюльку, які пасля перамогі на раённым конкурсе аратых стаў першым і на абласным такім конкурсе.
Сергея Лапунова, Паўла Казюльку і сфатаграфавала на свяце ў г.п. Круглае Алеся Мухачова.
Дарэчы, нашаму раёну ў якасці заахвочваннія выдзелілі новы трактар МТЗ-1221, ключы ад якога атрымаў там старшыня райвыканкама Сяргей Ігнаценка.
