Па народнай традыцыі
З самага пачатку сёлетняга жніва добрыя тэмпы ўборкі збожжавых культур набраў СВК “Валадарскі”. На рахунку камбайнераў гаспадаркі па стану на 21 ліпеня была ўжо амаль тысяча тон намалочанага збожжа. Зладжана і хутка ідзе таксама ягоная перапрацоўка.
Ранкам учарашняга дня да хлебаробаў сельгаспрадпрыемства на палетак за вёскаю Старая Баяршчына прыехалі работнікі раённага цэнтра культуры, каб дэманстрацыяй традыцыйнага народнага абраду “Зажынкі”, песнямі і вершамі адпаведнай тэматыкі павіншаваць іх з пачаткам жніва, пажадаць плёну ды поспехаў у працы.
Па народнай традыцыі яны пачаставалі ўдзельнікаў жніва духмяным караваем і хлебным квасам, каб тыя добра падсілкаваліся перад цяжкім працоўным днём.
А потым жнейкі ў народных касцюмах зжалі сярпамі першы сноп і ўручылі яго гаспадару — старшыні СВК “Валадарскі” Сяргею Акуленку.
Мікалай ІВАНОЎ.
